साधारण ९० व्या दशकाच्या उत्तराधातील ही कथा आहे, ज्या वेळी प्रेम म्हणजे लफडं असे सर्वसामान्य मानत,सुसंस्कृत घरांमधील मुलींना ह्या प्रकारणांपासून चार हात लांब राहण्याचे सल्ले दिले जात. साधारणतः तारुण्यात मुलगा किंवा मुलगी यांच्या बुद्धी क्षमतेचा विचार करून त्यांच्याकडून अशी काही चूक घडेल की संपूर्ण आयुष्यावर त्याचे पडसाद उमटतील ह्या भीतीपोटी पालक अशी बंधने आपल्या मुलांवर लादत असत, परंतू तारुण्याकडे झेप घेणारी ही पाखरे प्रेम या गोड अवस्थेकडे आपोआपच आकर्षित होतात त्यात कोणी तरतो तर कोणी बुडतो.