भाग १संध्याकाळचे सात वाजले होते. जोशींच्या घरात सगळे हॉल मध्येच बसले होते. सुरेंद्र जोशी त्यांच्या नेहमीच्या जागेवर वर्तमानपत्र वाचत बसले होते. चेहऱ्यावरचा कडकपणा अजूनही तसाच होता. मुख्याध्यापक म्हणून आयुष्यभर त्यांनी शिस्त पाळली होती. घरच्यांकडूनही तीच अपेक्षा होती.शैलजा स्वयंपाकघरातून चहाचे कप घेऊन येत होत्या. धाकटी जाऊ सुषमा भाजी निवडत बसली होती. महेंद्र.. सुरेंद्र जोशींचा धाकटा भाऊ मुलगा देवर्षय सोबत ऑफिस मधून आल्यावर काही बोलत बसले होते. गार्गी... महेंद्र आणि सुषमाची धाकटी मुलगी मोबाईल मध्ये गुंतली होती. हॉलच्या भिंतीवर लावलेल्या मोठ्या फोटोवर सगळ्यांची नजर अधून मधून जात होती. दिव्यांश हसरा चेहरा एअरफोर्सचा युनिफॉर्म फोटोला घातलेला हार कालच त्याचा चौदावा झाला होता.घरातले दुःख अजूनही ताजे होते.बेल वाजल्याचा आवाज आला. गार्गी