वर्णन

मानवाच्या विचारशक्तीला, कल्पनाशक्तीला आणि अनुभवांना शब्दांत मांडणे ही एक अनोखी आणि विलक्षण प्रक्रिया असते. लेखन हे केवळ शब्दांचे गुंफण नसून, ते विचारांना, भावनांना आणि अनुभवांना एक आकार देण्याचे साधन आहे. हेच विचार डोळ्यासमोर ठेवून "शब्दरूपी सफर: निबंध संग्रह" हा ग्रंथ साकारण्यात आला आहे. हा संग्रह विविध प्रकारच्या निबंधांनी नटलेला असून त्यामध्ये प्रवासवर्णन, आत्मकथा, ऐतिहासिक स्थळांचे वर्णन, थोर पुरुषांची चरित्रे, तसेच समाजजीवनावरील विवेचनात्मक लेख यांचा समावेश आहे.प्रवास वर्णन हे केवळ एका स्थळाचा परिचय करून देण्यापुरते मर्यादित नसून, ते त्या प्रवासादरम्यान मिळालेल्या अनुभवांना, संस्कृतीच्या नव्या पैलूंना आणि माणसांच्या परस्पर संबंधांना उजाळा देणारे असते. प्रवास करताना केवळ डोळ्यांनी पाहिलेले नव्हे, तर मनाने जाणवलेले