झपाटलेला वाडा - भाग 6: वाड्याचा जुना मालकसहा आत्मे मुक्त झाले होते. आणि वाडा पहिल्यांदा श्वास घेत होता.पहिल्या दिवशी आर्यन आला तेव्हा वाड्यात एक घुसमटणारा वास होता. कुबट, जुन्या रक्ताचा. आता तो वास नव्हता. अंगणातल्या पिंपळावर पक्षी परत बसू लागले होते. वीस वर्षात पहिल्यांदा. गावातले लोक आता म्हणू लागले होते, भोसले वाड्यात दिवा दिसतोय. कोणीतरी राहतंय तिथे. वाडा आता शांत झालाय.पण आर्यनला माहित होतं, वाडा शांत नाही. अजून दोन आत्मे बाकी आहेत. सगळ्यात जुने. सगळ्या शापाचं मूळ. भैरवनाथ आणि सावित्री. ज्यांनी हा वाडा बांधला.लॅपटॉपवर मेसेज आलाच होता - आता खरा मालक बाकी आहे. तोच सगळ्या शापाचं मूळ आहे.आर्यनने हरिभाऊला विचारलं,