कथा एका राजा आणि एक हुशार गुराखी यांची आहे. राजा शिकारीसाठी जाताना रस्ता चुकतो आणि त्याला एक लहान गुराखी भेटतो. गुराखी राजा असल्याच्या बाबतीत ठराविक विचार करतो आणि म्हणतो की राजासुद्धा रस्ता चुकतो. राजा त्याला शिकवण्यासाठी घेऊन जातो, आणि त्याला एक शिक्षक असाइन करतो. गुराखी शिकतो आणि मुख्य प्रधान बनतो. तो गरीबांची काळजी घेतो, विहिरी व धर्मशाळा बांधतो, त्यामुळे लोक त्याला मानतात. पण राजाचे जुने नोकर त्याचा द्वेष करतात आणि राजा मेला की त्याचा मुलगा गादीवर येतो. जुने नोकर नव्या राजाला सांगतात की गुराखीने त्याच्या वडिलांची रत्नजडित तलवार चोरली आहे. नव्या राजाने गुराखीला बोलाविले, परंतु तलवार सापडत नाही. त्यामुळे गुराखीचा सन्मान कमी करण्याचा प्रयत्न केला जातो.
सोनसाखळी - 3
Sane Guruji 
द्वारा
मराठी सामाजिक कथा
वर्णन
एक होता राजा. त्याला शिकारीचा फार नाद. एकदा तो शिकारीसाठी गेला व रस्ता चुकला. भटक भटक भटकला. रानात त्याला एक लहानसा गुराखी भेटला. तो गायी चारीत होता, पावा वाजवीत होता. राजा त्याला म्हणाला, मुला मला रस्ता दाखवतोस? मुलाने विचारले, तुम्ही कोण? तो म्हणाला, मी राजा. गुराखी म्हणाला, राजासुद्धा रस्ता चुकतो! आम्ही नाही बा कधी चुकत. अंधारातसुद्धा नेमके घरी जाऊ. राजा म्हणाला, मुला तू हुशार आहेस. कोण तुला शिकवते? गुराखी म्हणाला, मला, कोण शिकविणार? झाडे, माडे, फुले, पाखरे, नद्यानाले हे माझे मित्र. गायी चारतो, घरी जातो. आई भाकर देते ती खातो. राजा म्हणाला, कोठे आहे तुझी आई? गुराखी म्हणाला, जवळच आहे झोपडी. येता का आईकडे! राजा म्हणाला, चल. दोघे निघाले. झोपडी आली. गुराखी म्हणाला, आई, आई आपल्याकडे राजा आला. हा बघ. म्हातारी लगबगा बाहेर आली. तिने घोंगडी घातली. राजा म्हणाला, म्हाताऱ्ये, तुझा मुलगा हुशार आहे.
Novels