कथेतील नायक 'सामोव्हार'च्या दाराजवळ बसलेला असतो, तर पारस समोर बसलेला असतो. नायक आम्लेट खाण्याच्या तयारीत असताना, त्यांच्या टेबलाजवळ एक तरुणी रश्मी येते. ती पारसला ओळखते आणि त्याच्याशी गप्पा मारते. रश्मी 'लाइटनिंग इव्हेंट मॅनेजमेंट'ची संस्थापक आहे, तर नायक टंपू ऊर्फ अनिल गडबडे या आय.टी. इंजिनियर आणि कवी आहे. गप्पा सुरू असताना, रश्मी एक चित्राबद्दल चर्चा करते, ज्यामुळे तिला मळमळायला लागले आहे. ती चित्राची उलटी लावलेली सही पाहून चिंतेत आहे आणि ते सरळ करण्याचा निर्णय घेतात. नंतर ते चित्रे सरळ करून उद्घाटनाच्या तयारीत जातात, तेव्हा तिथे आर्टिस्टिक लोकांची गर्दी जमलेली असते.
माझ्या घटस्फोटाचे इव्हेंट मॅनेजमेंट (भाग २ )
Aniruddh Banhatti द्वारा मराठी हास्य कथा
वर्णन
मी सामोव्हारच्या दाराकडे तोंड करून बसलो होतो, आणि माझ्यासमोर दाराकडे पाठ करून पारस बसला होता. अगदी लक्षपूर्वक आम्लेटचा एक तुकडा गुंडाळून, त्यात काटा रोवून मी तो खाण्याकरता तोंडापाशी आणला, आणि समोर पाहिलं, तर माझं तोंड तसंच उघडं राहिलं. ऑम्लेट काट्यावरचं थिजलं. सामोव्हारचं दार मला एखाद्या चित्राच्या चौकटीमध्ये नवचित्रकलेसारखं चित्र नव्हतं, तर एखाद्या बिकिनी वॉलपेपरवर असते तशी गुलाबी हॉट पँट, त्यावर जाड काळा चामड्याचा पट्टा त्यावर ज्यात एक हिरा अडकवलाय अशी नाजुक बेंबी, आणि त्यावर निळसर रंगाची चिंधी बांधल्यासारखा डिझायनर टॉप, आणि त्यावर अगदी निरागस चेहरा अन् मोठे डोळे असलेली एक अगदी फे्रश दिसणारी तरुणी उभी होती. तिनं आमच्या टेबलावरच्या पारसला
