वर्णन

तन्वीने मिस्टर मनीच्या कार्यालयात रुजू होऊन आता दोन आठवडे पूर्ण झाले होते. या दोन आठवड्यांत तिच्या साधेपणाने, प्रामाणिकपणाने आणि कडक शिस्तीने केबिनमधील कोरडे वातावरण बरेच बदलले होते. ती केवळ एक साधी साहाय्यक (P.A.) राहिली नव्हती, तर मनीच्या आरोग्याची काळजी घेणारी एक हक्काची व्यक्ती बनली होती. तिच्या सांगण्यावरून मनीने ब्लॅक कॉफी पिणे बंद केले होते आणि रोहित रोज सकाळी मनीच्या केबिनमध्ये ग्रीन टी पोहोचवत होता. मनीच्या दगडासारख्या हृदयात तन्वीबद्दल एक अनामिक आदर निर्माण होऊ लागला होता, जरी तो चेहऱ्यावर नेहमीप्रमाणे क्रूर शांतता बाळगून असायचा.परंतु, अंडरवर्ल्डचे जग अत्यंत निर्दयी आणि अनपेक्षित असते. एक दिवस संध्याकाळी, मनी आपल्या केबिनमध्ये डार्क वेबवरील काही व्यवहार