कथा "गुलकंद कट्टा गँग"च्या सदस्यांची आहे, ज्यात लेखक आणि त्याचे मित्र रोज पहाटे अल्फा हॉस्पिटलच्या पाठीमागील मैदानावर एकत्र येतात. सर्वजण पन्नाशी आणि साठीत असलेले आहेत, आणि सुरुवातीला प्रत्येकजण स्वतंत्रपणे व्यायाम करत होता. हळूहळू, ओळखीची रूपांतरण मैत्रीत झाले, आणि त्यांनी "गुलकंद कट्टा गँग" हे नाव ठेवले. गँगमध्ये चहा, वडापाव किंवा सामोसे यासारख्या ट्रीट्स देण्याची परंपरा आहे, परंतु हरीभाऊ घाटपांडे कधीही स्वतःच्या खिशातून पैसे खर्च करत नाहीत. लेखकाच्या घरात रामभाऊ चित्रे अचानक आले, ज्यामुळे लेखक आश्चर्यचकित झाला. कथेचा मुख्य मुद्दा म्हणजे मित्रता, गप्पा, आणि रोजच्या व्यायामातील आनंद.
एप्रिल फूल
Uddhav Bhaiwal द्वारा मराठी हास्य कथा
वर्णन
उद्धव भयवाळ औरंगाबाद एप्रिल फूल मागच्या मार्च महिन्यातल्या शेवटच्या आठवड्यातली ही गोष्ट. माझ्या ध्यानीमनी नसतांना आमच्या "गुलकंद कट्टा गँग"चे एक सदस्य रामभाऊ चित्रे एका संध्याकाळी माझ्या घरी आले. त्यांना असे अचानक, फोन वगैरे न करता आलेले पाहून मी थोडा चकितच झालो. कारण आमच्या 'गुलकंद कट्टा गँग'च्या सदस्यांची रोजची भेटण्याची वेळ म्हणजे पहाटे सहा ते साडेसात आणि भेटण्याचे स्थळ म्हणजे अल्फा हॉस्पिटलच्या पाठीमागील मोकळे मैदान. याला फक्त अपवाद रविवारचा. कारण फक्त दर रविवारी सुटी घ्यायची असं सर्वानुमते आम्ही ठरवलं.अरे हो! तुम्हाला एव्हाना प्रश्न पडला असेल की, आमची ही 'गुलकंद कट्टा गँग' म्हणजे काय भानगड आहे? आधी ते सांगतो. ही भानगड बिनगड काही नाही.
