वर्णन

जून १९४० मध्ये फ्रान्सचा अत्यंत अपमानास्पद पराभव झाल्यानंतर युरोपच्या नकाशावर एक नजर टाकली, तर परिस्थिती अत्यंत भयंकर दिसत होती. पोलंड, नॉर्वे, डेन्मार्क, नेदरलँड्स, बेल्जियम आणि आता बलाढ्य फ्रान्स... हे सर्व देश हिटलरच्या नाझी टाचेखाली चिरडले गेले होते. इटलीचा मुसोलिनी आधीच हिटलरला जाऊन मिळाला होता. आणि पूर्वेकडचा महाकाय रशिया हिटलरसोबतच्या 'अनाक्रमण करारा'मुळे शांत बसला होता. थोडक्यात सांगायचे तर, संपूर्ण युरोपवर आता हिटलरची एकछत्री सत्ता होती. या सर्व देशांच्या साधनसंपत्तीवर, शस्त्रास्त्रांवर आणि अर्थव्यवस्थेवर नाझींचा ताबा होता. या अवाढव्य नाझी साम्राज्यासमोर आता फक्त एकच देश उभा होता, ज्याने अजूनही हार मानली नव्हती. तो देश होता—ब्रिटन! फ्रान्स पडल्यानंतर हिटलरला पूर्ण खात्री होती की ब्रिटन