कादंबरी जिवलगा
भाग – १८ वा
----------------------------------------------------------
सकाळी नेहमीप्रमाणे घाईघाई –झालीच ,मधुरीमाशी बोलण्यास ,गप्पा करण्यास वेळ मिळाला नाही.,
तिचा निरोप घेतांना नेहा म्हणाली ..
चल बाई, मी निघते आता , आपण बोलू नंतर ..
आता महिना-अखेरची कामे आहेत , गेल्या आठवड्यात माझ्याकडे ऑफिस –स्टाफ आणि ऑफिस
रिलेटेड पेमेंट सेक्शन दिलय , इतक्या मोठ्या ऑफिसात रोज काही ना काही तरी ..पेमेंट असतातच.
उद्यापासून नव्या महिन्याचा पहिला आठवडा तर खूप हेवी वर्कलोड असेल म्हणे माझ्या सेक्शनला ,
दहा हजार रुपये पर्यात्न्चे सगळे किरकोळ –खर्च” त्यांची बिले चेकिंग करायचे ,
मग मंजूर करून कॅशसेक्शन ला द्याचे ,पण खूप व्हाऊचर असतात म्हणे रोज , प्रत्येक खात्यातून ,
सेक्शन मधून बीले येत राहणार ,
ती approve करणे , मग ती sanction केली की ती पेमेंटसाठी मध्ये द्यायची ही माझी नवी जबाबदारी
असणार आहे आता या पुढे.
मधुरिमा म्हणाली ..अरे देवा ..हे काम कसे काय दिले तुला ? द्याला नव्हते पाहिजे ,
ऑफिसमध्ये नेहावर सोपवलेली ही जबाबदारी मोठीच जोखीमभरी आहे , अनेक लोकांची परस्पर
मिली-भगत असते ..या नव्या पोरीला यातले काय समजणार ?
आणि तिच्या नवखेपणाचा , बुजरेपणाचा फायदा घेत , समोर ठेवलेला बील मंजूर करून घेण्याच्या
प्रयत्न -मिठासपणे बोलून करणे अशा कामात मुरलेल्या माणसाना अगदी सोपे आहे.
नेहा -तुझे मोठे साहेब नाहीत का सध्या ऑफिसला ? कुठे टूर वर वगरे आहेत की काय ?
त्यांच्या माघारी तुला अशी जबाबदारी मुद्दाम तर नाही न देण्यात आली ?
तुझे साहेब आले की सांग मा , मी येऊन बोलेल त्याच्याशी एकदा .
नेहा म्हणाली – हो ग हो ,
आमचे मेन बॉस,गेल्या आठवड्यापासून परदेशी गेलेत तीन आठवड्यासाठी
ते गेले आणि लगेच २ दिवसानंतर हे सेक्शन आणि डेस्क- चेंज झालेत.
मधुरिमा तिला म्हणाली -
नेहा – ऑफिस वर्क –ऑर्डर आहे ही , ती रिफ्युज केली तरी ताप ,आणि तू या सेक्शनला काम करणे
म्हणजे तुझ्या डोक्याला आणि मनाला मन:स्ताप ..
सांभाळूनच कर ग बाई सर्व ..!
हे स्टाफ आणि ऑफिसचे मनी –रिलेटेड कामे
म्हणजे डोक्याला आणि मनाला नुसता ताप , मंजूर केले आणि नंतर काही प्रोब्लेम झाला तर?
याची भीती आणि
पेंडिंग ठेवण्याची सोय नाही, हे सगळ .भांडाभांडीला पुरेसे असतात .
तू अगोदरच नवी इम्प्लोयी , तुझ्या समोर आलेल्या बिलातले काय खरे नि काय खोटे ? इतक्या लवकर नाही समजायचे ,
अशा कामात मुरब्बी माणूसच लागतो , स्टाफचे एक ठीक आहे, पण petty-expenses
हे जरा डोकेदुखी प्रकरण असते , या पेमेंटमध्ये कुणाच्या इशाऱ्यावर कोण काम करते ?काही पता लागत नाही.
मधुरिमाचे हे बोलणे ऐकल्यावर नेहा खूपच घाबरून गेली ..
अरे बापरे .. मग , कसे नि काय करू मी आता या नव्या सेक्शन मध्ये ?
अशी घाबरून नको जाऊ लगेच . तुला योग्य ते मार्गदर्शन करतील असे ज्यांच्या बद्दल वाटते ,
त्यांची मदत घेत घेत कामे कर ,
“पाण्यात पडल्यावर आणि पाण्यात ढकलून दिल्यावर ..हात-पाय मारल्याशिवाय त्यातून बाहेर पडणे
शक्य नसते नेहा “..
माधुरीमाचे हे सारे सांगणे -
शांतपणे ऐकून घेत नेहा म्हणाली -
बरे ठीक आहे , मी करेन तू सांगितल्या प्रमाणे ..
आज कधी नव्हे ते टेन्शन आलाय जरा ..!
मधुरिमा तिला म्हणाली – घाबरून जाऊ नको अशी , सांभाळून कर सगळ.काही होणार नाही.
नेहा – बेस्ट लक , नोकरी म्हटल्यावर ..असे कसोटी –प्रसंग तर येणार ..!
बोलण्यावर कंट्रोल ठेव, कोण , कधी कोणत्या शब्दात अडकवून, वाद घालीत बसेल ,सांगता येत नाही ,
त्यात युनियनचे चमचे असतील तर ..बघायलाच नको.
नेहा ऑफिसला आली, आज आपली एक प्रकारे परीक्षाच आहे म्हणायची .
इतके दिवस नवी नवी इम्प्लोयी म्हणून फारसा वर्क लोड नसायचा.
त्या टीमचचे लीडर समजून सांगायचे , त्यामुळे काम करतांना टेन्शन
वगरे कधी आले नाही ,
पण, गेल्या आठवड्यात ..एकदम दुसर्याच टीम बरोबर जॉईन करावे लागले ,
ही टीम सगळ्या ऑफिसमध्ये फेमस होती , सगळ्या स्टाफशी रोज संबंध येत असल्यामुळे ..यांच्या भवती
सतत कुणी न कुणी येऊन बसलेले दिसायचे , आणि या एचआर टीम मध्ये जास्त करून लेडीज –स्टाफ
आहे हे नेहाला जाणवले ..त्यात ही दोन-तीन –वेगवेगळे ग्रुप्स आहेत ,हे जास्त काळजीचे होते .
म्हणजे ..वरवरून मैत्री आहे असे दाखवत ,हसत-खेळत राहतो असे दाखवायचे ,आणि
आतून मात्रएकमेकीवर खुन्नस धरून ..बरोबर आपल्या मनातले साध्यचे ...हे सगळे पाहून ..नेहाला कल्पना
आली आणि तिने ठरवले की – यापुढे इथल्या सगळ्या स्टाफ बरोबर आणि लोकांशी फार मोकळेपणाने राहून, बोलून काही उपयोगाचे नाही.
आपण ही या सर्वासारखे वरवर गोड बोलत वागायचे आणि आपले काम करीत राहायचे .
असेच बरे राहील आपल्यासाठी.
-----------------------------------------------------------------------------------------------------------------------------------------------------
बाकी वाचू या पुढच्या भागात -
भाग - १९ वा , लवकरच येतो आहे.
----------------------------------------------------------------------------------------------------------------------------
कादंबरी -जिवलगा ..
ले- अरुण वि.देशपांडे -पुणे.
९८५०१७७३४२
------------------------------------------------------------------------------------------------------------------------------------------------------------
